Jab do jan vivah sutr main bandhate hain to unka mukhya udeshya apne sharirik awashyaktaon ki purti se adhik apne vansh ko aage badhana hota hai.Shashtron ke anusar santan utpann kar ke manushya apne pitr rin se mukt hota hai. Vivah ke samay Kundali milan par isliye hi adhik dhyaan dene ka nirdesh shastra aur Guru jan dete rahe hain.Vartmaan main jo paripati kundali milan hetu pryog main layi jati hai,wo purn roop se paribhashit nahi ho paa rahi hai.Kewal janm kaleen chandrama ke eak nakshtra main upashtithi ko adhaar mankar apurn roop se kundali milan hi bhavishya main santan aadi doshon ka karan banta hai.America,England,France aadi deshon main loog vivah se purv chikitshak ke pramarsh, avm lab test dwara ye janne ka prayash karte hain ki rakt ki kinhi vishamtaon ke karan kahin unhe santan utpann karne main koi samashya to bhavishya main nahi aayegi? Jyotish Shastra hazaroon saloon se bina rakt ka namoona liye ye batata raha hai ki Vivah ke samay Naadi Dosh nahi hoona chahiye.Naadiyan hamare shareer main bahane wali rakt vahiniyan hi to hain.Jyotish main santan hetu pancham bhav ko mahatva praapt hai,saath hi panchamesh,guru,mangal aur shukkr ki istithi par bhi vichar karna awashyak hota hai[.Abhi baat santan dosh ki ho rahi hai,isliye usi ka udhaharan de raha hoon,] Kundali milaan ke samay eak Jyotishi ki jimmedari hoti hai ki Panchang se praapt guno ke aadhar par hi kinhi do Kundaliyon ko mila hua na maaan le,apitu pahle dono Kundaliyon main santan sambandhi yogon ka adhyan awashya kare.Yadi kisi eak kundali main santan bhav kamjor pad raha ho to doosri kundali main santan sukh prabal hona chahiye.Thabhi bhavishya main yah jodi santan ka anand prapt kar sakti hai.Kundaliyan eak duje ki poorak honi chahiyan.Anyatha yadi gun 36 bhi mil rahe hoon to kya laabh?Sadharantya santan hetu pancham bhav paap prabhavit nahi hona chahiye.Khair ye jyotishiya bhasha hai,jo aam insaan hetu nahi hai.Kintu ab ye lekh padne ke pashyaat kam se kam bhavishya main aap apne kinhi aatmiyon ki kundali milwa rahe hoon to is pahloo ki jankari aap ko honi laabh hi deti hai.Yadi aisa ho chuka ho to pancamesh ka tatha kanya ke mangal va var ke shukr ka upaay karana behtar hota hai.
No comments:
Post a Comment